TIRANË– Vijojnë tensionet në hyrje të parlamentit ku Garda e Republikës ndalon deputetët e përjashtuar të PD-së që të marrin pjesë në punimet e seancës plenare. Në një moment ka pasur dhe një përplasje mes tyre. Deputeti demokrat Luçiano Boçi dhe Luan Baçi kanë pasur momentte tensioni me efektivët e Gardës të cilët për një moment i kanë shtyrë. Në video dëgjohet Boçi duke i thë punonjësit të Gardës “Më kape me dorë, nuk preket deputeti”.
Albana Vokshi: Nuk guxon Garda të ngrejë dorën ndaj një deputeti.
Luan Baçi: Po kush je ti që të na fusësh një nga një?
Gardisti: Po hë tani se nuk jeni nxënës kopshti
Luan Baçi: Po nuk të bën përshtypje ty që nuk del asnjë. Nuk kam qejf të më prekësh, ndaj hape derën që të futem. Hape derën të futem se nuk më merr aty ore.
Albana Vokshi: Ooooo, ça po bëni ore. Mos e prek një deputet me dorë.
Luan Baçi: Ti je palo djalë. Kë shtyni kështu? Je patronazhist, je palo djalë. Kë shtyn ti? Nuk kam nevojë për ndjesën tuaj. T’ju vijë turp. Ç’është kjo punë? Erdhi tjetri dhe më hipi lart.
Luçiano Boçi: Jemi njerëz. Është i operuar tjetri. Doni raport mjekësor këtu. Po na e keni bërë sikur po futemi në alkatraz. Bëni dhe pis kostumin e famshëm të Gardës.
Albana Vokshi: Nuk e keni mirë kështu, guxoni ju që të vini dorë mbi deputetin.
