FRANCË- “Kupa është mbushur”, shprehja klasike që nënkupton se një gjë, tashmë nuk durohet më. Mbështetësit e zjarrtë të skuadrës së Paris Saint Germain kanë dalë në protestë, këtë të mërkurë për të kërkuar largimin nga klyubi të dy prej lojtarëve më në zë të ekipit kryeqytetas, Lionel Messi dhe Nyemar jr.
Protesta është organizuar nga një grup tifozës të CUP, të cilët kanë patur mosmarrëveshje edhe me lojtarë të tjerë të skuadrës por Leo Messi ka qënë shënjestra kryesore e inatit të tyre, kjo dhe prej faktit se ditën e djeshme u sanksionua ashpër nga PSG për udhëtimin e tij në Arabinë Saudite për shkak se nuk pati marrë lejen nga klubi.
Objektivi i tifozëve është të tregojnë se “gjërat duhet të ndryshojnë” në një mënyrë “të strukturuar dhe inteligjente”. Nuk është hera e parë që CUP kërkon dorëheqjen e kryesisë.
Frustrimi i tifozëve me yjet e klubit, të udhëhequr nga Messi dhe Neymar, ka qenë i dukshëm për disa kohë, veçanërisht pas eliminimeve të Ligës së Kampionëve duke mos përmbushur as pritshmëritë më minimale.
