Kryeministri Edi Rama, gjatë rrugën për Spanjë, është shprehur se përzgjedhja e Tiranës për të pritur Kongresin Botëror i Ligjit në 2027, është një trofe i Shqipërisë në formën e konsideratës së lartë që ka krijuar vendi ynë falë Reformës në Drejtësi.
Rama tha se procesi i përzgjedhjes ka qenë i ngushtë dhe konkurrues, ndërsa lexoi edhe një letër që ka marrë nga presidentit të Shoqatës Botërore të Juristëve.
“Kongresi do të jetë një mundësi e shkëlqyer për vendin tuaj për t’i paraqitur botës përparimet e mëdha drejt një demokracie të fortë të respektit ndaj ligjit ndërkombëtar, dhe respekti ndaj sundimit të ligjit”, thuhej ndër të tjera në letër.
Rama: Procesi i përzgjedhjes ka qenë i ngushtë dhe konkurrues. Shqipëria ka marrë pjesë me kandidatë të fortë dhe historikisht demokratikë nga kontinente të ndryshme. Kështu shprehur në letrën e presidentit të Shoqatës Botërore të Juristëve, profesor it ë drejtës Kushtetuese dhe avokat me prestigj të madh.
Duke zgjedhur Shqipërinë si vendi pritës i Kongresit Botëror të Ligjit 2027, Komuniteti Ndërkombëtar i Ligjit dëshiron të njohë demokracinë e saj të re dhe institucionet e themeluara mbi sundimin e ligjit, si garanci për dinjitetin njerëzor dhe zhvillimin për qytetarët e saj, vazhdon ai.
Kongresi do të jetë një mundësi e shkëlqyer për vendin tuaj për t’i paraqitur botës përparimet e mëdha drejt një demokracie të fortë të respektit ndaj ligjit ndërkombëtar, dhe respekti ndaj sundimit të ligjit.
E pra, ndaj për pak ne nisemi për Madrid, për njoftimin publik të zgjedhjes së kandidaturës së Shqipërisë për të mikpritur kongresit.
Gjatë këtyre kongreseve, njëherë në dy vjet, prezantohet edhe çmimi i paqes dhe i lirisë botërore, që konsiderohet nga shumë si çmimi Nobel në Ligj. E ka marrë Churchil, Mandela, apo mbreti Filipe i Spanjës.
Pra, Shqipëria 2027 do të jetë vendi i Samitit të NATO-s, i Europianit të Futbollit për të rinjtë, e tani edhe i Kongresit Botëror të Ligjeve.
Ç’të them? Kush i imagjinonte këto e plot të tjera aktivitete akoma, deri në disa vite më parë, le të ngrejë dorën. Por, lum si ne thuaj që kemi këta kuat, kuat, kuat, se do na kishin marrë mësysh kush e di se sa herë.
Kongresi Botëror i Ligjit është ndër të tjera edhe një trofe i Shqipërisë në formën e konsideratës së lartë që ka krijuar vendi ynë falë reformës në drejtësi.
