TIRANË– Një ngjarje e rëndë ka ndodhur pasditen e sotme në Tiranë, ku një i mitur, teksa ka qenë duke luajtur ka prekur aksidentalisht kasetën që furnizon me energji pallatin. Si pasojë ai është dëmtuar dhe është dërguar menjëherë në Spitalin e Pediatrisë.
Më datë 17.07.2023, rreth orës 18:55, në rrugën “Irfan Tomini”, në afërsi të Qendrës Shëndetësore Nr. 8, një i mitur 11 vjeç, duke luajtur, aksidentalisht ka prekur kasetën që furnizon me energji elektrike pallatin, dhe ka rënë në kontakt me rrymën elektrike.
Si pasojë 11-vjeçari është dëmtuar dhe ndodhet në Spitalin e Pediatrisë, nën kujdesin e mjekëve.
Grupi hetimor po punon për sqarimin e rrethanave të ngjarjes.
