TIRANË: Mijëra shoferë janë gjobitur pas disa kontrolleve intensive të kryera në kryeqytet sakaq, 16 persona janë vënë në pranga nga policia rrugore pasi u kapën duke drejtuar makinën pa leje drejtimi dhe në gjendje të dehur.
Parakalime të gabuara, shpejtësi mbi normat e lejuara dhe drejtues automjetesh që përdorin celularin janë disa nga shkeljet më të shpeshta të konstatuara nga kontrollet e kryera nga Policia Rrugore. Gjatë javës që lamë pas 16 persona janë arrestuar, në gjendje të dehur, pa leje drejtimi, dhe për shkelje të rregullave të qarkullimit rrugor. Ndërsa 3383 shoferë janë gjobitur për shkelje të ndryshme të rregullave të qarkullimit.
Konkretisht janë ndëshkuar me masë administrative 863 drejtues mjetesh, për përdorim të celularit gjatë drejtimit të mjeteve.
