Tottenham Hotspur ka shkarkuar trajnerin e përkohshëm, Cristian Stellini, tha të hënën klubi i Premierligës pasi pësuan një poshtërim 6-1 në Newcastle United që vuri në rrezik shanset për kualifikimin në Champions League të skuadrës londineze.
Ndihmës trajneri Ryan Mason, 31 vjeç, do të marrë përkohësisht detyrën e trajnerit me efekt të menjëhershëm ndërsa klubi vazhdon të kërkojë një menaxher të përhershëm së bashku me kërkimin e tyre për një drejtori sportive pas dorëheqjes së Fabio Paraticit këtë muaj.
Pas ndeshjes së humbur 6-1 ndaj Neëcastle, portieri i Tottenhamit, Hugo Lloris, u zëvendësua në fund të pjesës së parë. Ai, deri në atë moment kishte pësuar pesë gola. Lojtari, i cili u zëvendësua në pjesën e parë për shkak të një dëmtimi, tha se skuadra duhej t’u kërkonte falje tifozëve dhe foli për “diçka të çuditshme në fushë”.
“Pësuam pesë gola në 21 minuta… Mund të pësosh një gol, dy edhe mund të ndodhë, por dje kishte diçka të çuditshme në fushë. Nuk mundëm të reagonim, apo të ktheheshim në lojë. Ndërkohë që ata ishin shumë dinamikë, ata dinin saktësisht se çfarë të bënin, me dhe pa top. Ne ishim mbrapa kudo në fushë dhe në të gjitha aspektet e lojës”, ka pranuar portieri francez në një prononcim për “Sky Sports”.
