BERAT– Detaje të reja kanë dalë në dritë nga aksidenti tragjik i ndodhur në orët e para të mëngjesit në Rrethrrotullimin e Ciflikut Dimal ku një 28-vjeçar i identifikuar si Klinton Merkaj humbi tragjikikisht pasi makina tip “Benz” me të cilën ai udhëtonte doli nga rruga duke përfunduar në kanal ku më pas u përfshi nga flakët. I riu u dogj brenda saj duke u shkrumbuar i gjithi.
Por vdekja e 28-vjeçarit nuk është tragjedia e vetme në familjen Merkaj. Mësohet se vetëm pak ditë më parë djali tjetër i familjes, 30 vjeç u mbyt në ujërat e lumit Osum. Raportohet se shkak për aksidentit tragjik të ketë qenë shpejtësia e lartë jashtë normave të lejuara. I riu nuk ka mundur që të futet në Rrethrrotullim dhe pse zona ku ndodhi aksidentit ka pasur ndriiçim. Mjeti tip “Benz” fillimisht është përplasur me shtyllën e rrugës duke shkulur atë nga vendi e më pas ka përfunduar në kanal.
Sipas banorëve të zonës Rrethrrotullimi është një burim aksidentesh pasi ai i orëve të para të mëngjesit që i mori jetën të rkiut nuk ka qenë i vetmi aksident fatal. Edhe pse është e pajisur me ndriçim, mjetet lëvizin me shpejtësi të lartë duke u gjetur pa përgatitur për rrugën që duhet të ndjekin. Banorët shprehen se vendosja e disa barrierave sinjalizuese do të bëjë që drejtuesit e mjeteve të sinjalizohen për të ulur shpejtësinë.
