AUSTRALI– Një aksident i rëndë ajror është regjistruar ditën e sotme në Australi. Katër persona kanë humbur jetën dhe nënëtë të tjerë janë plagosur pasi dy helikopterë u përplasën me njëri-tjetrin pranë brezit të njohur turistik të Main Beach në Gold Coast, në jug të Brisbane. Aksidenti i rëndë ndodhi rreth orës 14:00.
“Këta dy helikopterë u rrëzuan në bregun e rërës në Sea Ëorld Resort”, u tha gazetarëve inspektori i policisë së Queensland, Gary Ëorrell, raporton CNN.
Ndër të tjera ai shtoi se kishte qenë e vështirë për shërbimet e urgjencës të hynin në bregun e rërës, që ndodhet jo shumë larg bregut. Trembëdhjetë persona ishin në dy helikopterë, sipas Jayney Shearman, nga Shërbimi i Ambulancës në Queensland (QAS). Prej tyre, katër persona vdiqën, tre pësuan lëndime të rënda dhe gjashtë kishin lëndime të lehta. Të gjithë të plagosurit janë dërguar në spital, ndërsa po punohet për të zbardhur rrethanat e aksidentit ajror.
