Mediat e huaja raportojnë se ditën e dielë katër persona u vranë dhe tre të tjerë u plagosën pas goditjes nga një tren udhëtarësh teksa kalonin shinat hekurudhore në Katalonjë të Spanjës.
Aksidenti ndodhi në orën 20:22, kur një grup prej shtatë personash u përpoqën të kalonin shinat në Moudmelo, rreth 20 kilometra në veri të Barcelonës.
Tre persona vdiqën në vendngjarje dhe një person i katërt vdiq në spital pasi pësoi një arrest kardio-respirator. Të lënduarit po marrin ndihmën mjekësore në spital.
Raquel Snchez, ministria e Transportit shprehu ngushëllimet e saj për familjet e viktimave. Pere Aragones, kreu i qeverisë lokale në Katalonjë, tha se ishte “i tronditur” nga tragjedia. Ai shtoi se Policia po kryen një hetim për shkaqet e aksidentit.
