TIRANË– Ish-ministri i Mbrojtjes Fatmir Mediu ka mbërritur në SPAK ku do të njihet zyrtarisht me akuzat e ngritura ndaj nga Struktura e Posaçme Kundër Korruopsionit dhe Krimit të Organzuar në lidhje me tragjedinë e Gërdecit ku humbën jetën 26 persona. SPAK bëri të ditur se ai është marrë zyrtarisht nën hetim.
Sipas SPAK, Mediu ka shkelur ligjin kur ishte ministër i Mbrojtjes duke shpërdoruar detyrën, veprime të cilat sollën tragjedinë e Gërdecit, ku humbën jetën 26 persona dhe shumë të tjerë i plagosën. Ky është përfundimi që ka arritur pas hetimit disa mujor, Prokuroria e Posaçme (SPAK) për ish ministrin e Mbrojtjes. Ish-ministri si një nga ish-zyrtarët përgjegjës për tragjedinë e Gërdecit. Apeli i GJKKO vendosi hapjen e çështjes duke marrë të pandehur ish-ministrin. Ndërkohë Mediu ka dorëzuar rekursin në Gjykatën e Lartë ku kundërshton vendimin e Gjykatës së Apelit të Posaçëm duke pretenduar se vendimi i Apelit është antikushtetues.
