TIRANË– Një ngjarje e rëndë është regjistruar në Maternitetin “Koço Glosheni” në Tiranë. Raportohet se një 29-vjeçare ka ndërruar jetë katër ditë pasi ka sjellë në jetë foshnjën e saj. Identiteti i të resë nuk është bërë i ditur. Mësohet se ajo ka pasur një lindje naturale ku ka sjellë në jetë fëmijën e saj me peshë normale 5 kilogramë. 29-vjeçarja ka qëndruare 24 orë në spital dhe më pas është kthyer në shtëpi.
Pasi ka shkuar në shtëpi ajo ka shfaqur komplikacione serioze dhe është dërguar sërish në spital me shenja debuluse. Më pas ajo është futur menjëherë në reanimacion ku për fat të keq ndërroi jetë në orët e parë të mëngjesit. Raportohet se e reja nuk ka pasur asnjë komplikacion gjatë lindjes dhe as hemoragji.
Ngjarja e rëndë është nën hetim nga policia dhe do të jetë ekspertiza mjeko-ligjore ajo që do të hedhë dritë mbi vdekjen e të resë.
