GREQI– Një ngjarje e rëndë është regjistruar në brigjet e Mesdheut këtë të mërkurë ku një anije me 400 emigrantë në bord është mbytur duke shënuar një bilanc tragjik me 59 të vdekur deri më tani. Peshkarexha e nisur nga Libia u botua dhe në vazhdim u mbyt në ujërat ndërkombëtare që ndajnë Greqinë me Italinë, 47 milje në jug të gadishullit të Peleponezit në zonën më jugore të tij Pylos.
Deri më tani janë shpëtruar 104 persona. Të tjerët vijojnë të jenë ende nën ujë. Mësohet se disa orë para mbytjes së anijes, emigrantët e refuzuan ndihmën nga Roja Bregdetare dhe Frontex.
Varka e Frontex iu ofroi ndihmë emigrantëve pasi anija ishte plot, siç u konstatua edhe nga një dron i anijes në vendngjarje. Emigrantët në bordin e varkës thuhet se refuzuan ndihmën e ofruar për ta dhe thanë se donin të vazhdonin udhëtimin për në Itali. Disa orë më vonë dhe në kushte të paqarta, anija u përmbys dhe u fundos pas mesnate.
