Zjarri shpërtheu herët në mëngjes, kur më shumë se 80 persona ndodheshin brenda.
Një ngjarje tragjike ka ndodhur në Spanjë, ku të paktën 10 persona kanë ndërruar jetë. Sipas mediave vendase, viktimat janë të moshuar që ndërruan jetë pasi azili ku ata qëndronin u përfshi nga flakët.
Zjarri shpërtheu në qytetin e Villafranca de Ebro herët në mëngjes, kur më shumë se 80 persona ndodheshin brenda.
Pavarësisht përpjekjeve, personeli shëndetësor dhe zjarrfikësit nuk mundën t’i nxjerrin të gjithë të moshuarit në kohë jashtë. Shtëpia e të moshuarve është e specializuar për personat me probleme të shëndetit mendor.
