Alfred Deliallisi do të vijojë të drejtojë ekipin e Korabit edhe në sezonin e ri futbollistik 2025-2026.
Trajneri 32-vjeçar u konfirmua në detyrë pas një performance të suksesshme, ku arriti të mbajë ekipin në Kategorinë e Parë, pavarësisht rrezikut të rënies.
Nën drejtimin e tij, skuadra dibrane regjistroi 5 fitore, 1 barazim dhe vetëm 1 humbje në 7 ndeshje, një ecuri që i siguroi ekipit mbijetesën.
“Projekti me Korabin është serioz dhe afatgjatë. Vazhdojmë punën që nisëm në mars. Merkato do të jetë cilësore dhe synimi është t’i rikthejmë Korabit shpirtin luftarak. Duam një ekip agresiv, ku të gjithë të luftojmë për të shkuar drejt suksesit,” u shpreh trajneri.
Ai zbuloi gjithashtu se objektivat e sezonit të ri janë vendosur në bashkëpunim me drejtuesit e klubit dhe puna për përforcimet ka nisur.
Kategoria e Parë pritet të nisë më 23 gusht 2025 dhe të përfundojë më 2 maj 2026.
