Trajneri i Chelseat, Graham Potter ka thënë se ai është duke vuajtur mendërisht pasi ai dhe familja e tij kanë marrë kërcënime anonime pas formës së dobët të klubit.
“Blutë” kanë fituar vetëm dy nga 14 ndeshjet e fundit në të gjitha kompeticionet dhe së fundi u mposhtën nga skuadra e fundit në tabelë, Southamptoni me rezultat 1-0.
“Më kanë ardhur disa emaile jo të këndshme, ku thuhet se duan të më shohin të vdekur. Kjo padyshim nuk është e këndshme për t’u përballiur”, tha Potter.
“Mund të pyesni familjen time se si ka qenë jeta për mua dhe për ta. Nuk ka qenë aspak e këndshme. Nëse shkoni në punë dhe dikush ju shan, nuk do të jetë e këndshme. Mund të përgjigjesh në dy mënyra. Mund të them që nuk më intereson, por ti e di që po gënjej. Të gjithëve u intereson se çfarë mendojnë njerëzit, sepse ne jemi të prirur të jemi të lidhur shoqërisht.”, shtoi ai.
Ish-trajneri i Brightonit tha se emailet anonime iu kishin referuar edhe familjes së tij.
”Blutë” aktualisht janë në vendin e 10-të në ligë, 11 pikë larg vendeve të Ligës së Kampionëve.
Nën Potterin, i cili u emërua në shtator pas shkarkimit të Thomas Tuchel, Chelsea ka fituar vetëm nëntë nga 25 ndeshjet e tyre.
