SHBA-Të paktën pesë persona kanë humbur jetën si pasojë e të shtënave me armë zjarri në Cleveland të Teksasit. Sipas mediave vendase autori është ende në kërkim nga policia pasi pas ngjarjes është larguar menjëherë. Raportohet se mes viktimave është dhe një fëmijë 8 vjeç, ndërsa dy gra u gjetën të vdekura në dhomën e gjumit. Krah tyre ishte dhe dy fëmijë të mitur që fatmirësisht i mbijetuan tragjedisë.
Të paktën 10 persona ishin në shtëpi kur policia mbërriti në vendngjarje dhe të gjitha viktimat ishin të moshës tetë deri në 40-vjeç. Autoritetet amerikane bëjnë me dije se të shtënat ndodhën të gjitha në një shtëpi, viktimat ishin të gjitha nga Hondurasi dhe se katër nga viktimat u deklaruan të vdekur në vendin e ngjarjes, ndërsa një prej tyre u shpall e vdekur pasi u dërgua në spital.
