KAMËZ– Detaje të reja kanë dalë në dritë nga shpërthimi me tritol mbrëmjen djeshme në rrugën “Demokracia” në Kamëz ku një sasi eksplozivi iu vendos një biznesi. Mësohet se biznesi rezulton të jetë në pronësi të djalit të ish-presidentit në klubit të Kamzës, Naim Qarrit.
Pronarët e marketit kanë deklaruar para oficerëve të policisë se nuk kanë konflikte dhe nuk e dinë se kush mund të jenë autorë të ngjarjes. Autori dallohet përmes pamjeve të kamerave të sigurisë, por për shkak të errësirës nuk është i mundur identifikimi.
“Nuk kemi konflikte, nuk di kush është autor”. mësohet të kenë thënë.
Ndërkohë Naim Qarri ka qenë pre e shpërthimeve me tritol edhe më herët. Në vitin 2017, Qarrit iu vu një sasi eksplozivi në mjetin e tij tip ‘Hummer’.
