Mesfushori i Juventusit, Paul Pogba, ka rezultuar pozitiv për doping, raporton media italiane Corriere Della Serra.
Francezi ka luajtur vetëm 52 minuta në Serie A këtë sezon, por duket se do të jetë në telashe serioze përveç dëmtimeve të shpeshta dhe të rënda të viteve të fundit.
Sipas informacioneve, në gjakun e marrë nga Pogba janë gjetur nivele shumë të larta të testosteronit.
Mostra është marrë më 20 gusht pas ndeshjes së Juventusit kundër Udineses, e fituar nga torinezi 3:0. Pas fitores në Udine, Pogba mori pjesë në dy ndeshjet e ardhshme të skuadrës së tij kundër Bolonjës dhe Empolit.
Nëse Pogba ka marrë vërtet substanca të ndaluara, ai mund të marrë të paktën 6 muaj pezullim dhe një gjobë të lartë.
