ELBASAN-Policia e Shtetit ka kërkuar sot ndihmën e qytetarëve për identifikimin e 60-vjeçarit, i cili u gjet i vdekur një ditë më parë në aksin rrugor Elbasan-Peqin, në fashatin Papaër. Blutë e Vlorës kanë dhënë sot detaje të reja me shpresën që mund të çojnë në identifikimin e tij.
Viktima ishte me gjatësi 1.78 cm, ka patur të veshur një xhup të zi, atlete të bardha dhe një kapelë të zezë dhe ka pasur në dorë një byzylyk me material lëkure dhe me pjesë metalike, me mbishkrimin “LV”.
Blutë e Vlorës bëjnë me dije se viktima dyshohet se ka humbur jetën pasi është aksidentuar nga drejtuesi i një automjeti, ende i paidentifikuar, i cili është larguar nga vendngjarja. Policia kërkon ndihmë nga qytetarët për të identifikuar viktimën.
NJOFTIMI I POLICISË:
Policia kërkon ndihmën e qytetarëve, për identifikimin e një shtetasi që u gjet i pajetë në datën 22.12.2022, në aksin rrugor Elbasan-Peqin, në fshatin Papër. Ky shtetas dyshohet se ka humbur jetën pasi është aksidentuar nga drejtuesi i një automjeti, ende i paidentifikuar, i cili është larguar nga vendngjarja. Në momentin që është gjetur në rrugë, viktima e aksidentit, rreth 60 vjeç, me gjatësi 178 cm, ka patur të veshur një xhup të zi, atlete të bardha dhe një kapelë të zezë. Gjithashtu, në dorë ka patur të vendosur një byzylyk me material lëkure dhe me pjesë metalike, me mbishkrimin “LV”.
Për çdo informacion që mund të ndihmojë në identifikimin e këtij shtetasi, qytetarët mund të telefonojnë në numrin e telefonit 0694110219 ose të paraqiten në Komisariatin e Policisë Elbasan. Ndërkohë, po vijon puna hetimore, nën drejtimin e Prokurorisë, për zbardhjen e rrethanave të aksidentit, identifikimin dhe kapjen e drejtuesit të automjetit.
