KOSOVË– Kryeministri i Kosovës Albin Kurti ka kushtëzuar këtë të mërkurë takimin me kryeministrin Edi Rama në Prishtinë në kuadër të turit që ky i fundit do ndërmarrë në lidhje me “Procesin e Berlinit” dhe “Ballkanin e Hapur” nëse kreu i qeverisë shqiptare nuk merr dhe kabinetin me vete për të zhvilluar mbledhjen e përbashkët të qeverive të anulluar më parë nga Rama. Kurti përmes një deklarate për mediat bëri me dije se nuk do të pranojë të takohet me Ramën nëse nuk do të ketë një mbledhje të përbashkët të qeverive në Prishtinë.
Albin Kurti: E di që do të vijë. Vizita ka të bëjë me samitin e radhës të procesit të Berlinit që pritet të mbahet në tetor. Miqësisht i kam kërkuar Ramës se meqë do të rrijë e qëndrojë 2 ditë e 1 natë ta mbajmë dhe mbledhjen e qeverive që u anulua pa arsyeshme ndonëse ishte paraparë në Gjakovë. I kërkova të bënim mbledhje qeverie për të firmosur marrëveshjet. Çdo ditë e humbur është dëm për qytetarët. Nuk e takoj nëse nuk do jetë mbledhje e përbashkët e qeverive që u anulua.
