TURQI: Presidenti i Turqisë, Recep Tayyip Erdogan, bëri betimin në parlament si President i Turqisë edhe për një mandat tjetër 5 vjeçar, pasi arriti të merrte 52,18 për qind të votave, ndërsa opozita me Kemal Kılıçdaroğlu mori 47,82 për qind. ! Tanimë Erdogan pritet të vizitojë Anitkabirin, muzeun e Mustafa Kemal Ataturkut, themeluesit të Republikës së Turqisë.
Sakaq, pas betimit pritet që ai të marrë pjesë në ceremoninë e inaugurimit që do të mbahet për të, ku do të marrin pjesë zyrtarë të nivelit të lartë nga 78 vende, duke përfshirë 21 krerë shtetesh, 13 kryeministra, zyrtarë të lartë, si dhe përfaqësues të organizatave ndërkombëtare, përfshirë NATO-n dhe Organizatën e Shteteve Turke dhe Organizatën e Bashkëpunimit Islam. Pjesëmarrësit di të jenë pjesë e një darke në Pallatin Çankaya, ku do të priten nga Presidenti i sapo zgjedhur i Turqisë.
Kujtojmë këtu se Erdoğan fitoi balotazhin presidencial të dielën e kaluar me një diferencë shumë të vogël nga kundërshtari i tij.
