TIRANË– Disa ditë pas arrestimit të saj, Prokuroria e Tiranës ka urdhëruar sekuestrimin e një apartmaneti dhe një gatazhi në pronësi të ish-shefes së Kabinitetit të ish-ministrit Arben Ahmetaj, Alda Klosi . Prona që ndodhën në rrugën “Kongresi i Lushnjës”. Klosi akuzohet për veprat penale: Refuzim për deklarim, mos deklarim, fshehjen ose deklarim i rremë i pasurive, interesave private të personave të zgjedhur e nënpunësve publik, ose i çdo personi tjetër që ka detyrimin ligjor për deklarim”; “Pastrimi i produkteve të veprës penale ose të veprimatrisë kiminale”; dhe“Deklarata e rreme përpara oficerit të policisë gjyqësore”.
NJOFTIMI I POLICISË:
Specialistët e Seksionit për Hetimin e Pastrimit të Parave dhe Asetet Kriminale në DVP Tiranë, në zbatim të urdhrit të Prokurorisë së Rrethit Gjyqësor Tiranë, për ekzekutimin e vendimit penal të Gjykatës së Shkallës së Parë Tiranë, sekuestruan pasuri të palujatshme në pronësi të shtetasit A. K., konkretisht një apartament dhe një garazh në rrugën “Kongresi i Lushnjës.
