KURBIN– Detaje të reja kanë në dritë nga e shkuara kriminale e Valintin Lleshit, 35-vjeçarit të arrestuar në Laç pasi drejtësia italiane e kishte shpallur në kërkim ndërkombëtarë si të përfshirë në grupe kriminale.
35-vjeçari u arrestua nga policia e Lezhës me qëllim ekstradimin në Itali. Anëtarët e bandës u dënuan gjithsej me 63 vite burg, pasi akuzoheshin se trafikonin drogën nga Holanda në Itali. Të dënuarit me orgjinë Shqiptare janë: Alfred Shabani, 43 vjeç, i dënuar me 11 vite burg e 1000 euro gjobë; Lulzim Halili, 37 vjeç, i dënuar me 11 vite burg e 1000 euro gjobë; Valentin Lleshi, 31 vjeç i dënuar me 11 vite burg e 1000 euro gjobë; Gëzim Shoshi, 57 vjeç, i dënuar me 21 vite burg e 1000 euro gjobë.
Po ashtu u dënuan shofer i automjetit tip TIR me të cilin transportohej lënda narkotike, Mauro Alvise Cauzzo 66 vjeç nga Venecia, i dënuar me 9 vite burg e 35 mijë euro gjobë. Autoritetet fqinje zbuluan se grupi i shqiptarëve vijnë nga zona e Shkodrës në veri të Shqipërisë dhe thirreshin “malësorë” pasi flisnin një dialekt të fortë gjë që ka vështirësuar përgjimet ndaj tyre.
Kreu i bandës ishte Gëzim Shoshi, i cili merrej me administrimin e parave për blerjen e kokainës në Hollandë, si dhe me shpërndarjen në Lombardi. Drogën shqiptarët e fusnin në Itali përmes automjeteve të drejtuara nga korrierë të ndryshëm ku mbi çdo pako kokainë ishte e shënuar me gërma emri i qytetit apo zona ku ajo do të shpërndahej.
