TIRANË– Informacioni për arretimin e Sekretares së Përgjithshme të Ministrisë së Shëndetësisë Joana Duro nga Prokuroria e Posaçme Kundër Korrupsionit dhe Krimit të Organizuar (SPAK) me sa duket ka kaluar më parë në zyrën e kryeministrit Edi Rama.
Ky i fundit pak para se lajmi të bëhej i ditur në media në një takim në Tiranë në turin e falenderimeve deklaroi se një sekretare është arrestuar për korrupsion. Sipas Ramës kjo është e turpshme dhe vë në siklet qeverinë e tij.
Edi Rama: Pak më parë dëgjova një lajm. Një sekretare e përgjithshme që kapet në flagrancë duke marrë lekë. Si mund të ndodhë. Ana e pëlqyeshme e medaljes është që kapet një zyrtar që nuk është i denjë që të qëndroje në zyrë shteti. Uroj që të ketë më shumë të tilla, por nuk uroj që sa më shumë njerëz të bëjnë gjëra të tilla. Mungesa e sensit të patriotizmit, detyrës, etikës, në pikën që në një detyrë të rëndësishme të biesh në këtë nivel, është e tmerrshëm.
Bashkë me Duron është arresruar dhe një punonjëse e Ministrisë. Bëhet fjalë për Laura Sheton.
