TIRANË– Gjykata e Posaçme Kundër Korrupsionit dhe Krimit të Organizuar ka lënë këtë të hënë në burg kryebashkiakun e zgjedhur të Himarës Fredi Belerin. Ky i fundit u arrestua një natë para zgjedhjeve për shit-blerje votash. SPAK ka ngritur kundër tij akuzën e “Korrupsionit aktiv në zgjedhje”. Ndërkohë pas seancës gjyqësore avokati i Belerit, deklaroi se ditën e nesërme, do të ankimojnë në Gjykatën e Apelit.
Avokati: U la vendimi që dha Gjykata e Vlorës, u lejua vazhdimi i arrestit me burg. Ne patëm pretendimet tona, Fredi Beleri kërkoi vetëm drejtësi nga gjykata duke mos e pranuar gjykimin që është ngritur për të. Nesër, do të ushtrojmë të drejtën e ankimit në Gjykatën e Apelit.
