BULQIZË– Pallati që pësoi dëmtime nga tërmeti i rënë dy ditë më parë është rrethuar ditën e sotme me shirit nga policia ndërsa banorët janë nxjerrë jashtë.
Një pjesë e familjarëve janë dakord me vendimin e marrë, por ka banorë të tjerë që kundërshtojnë. Një banor i këtij pallati, për Top Channel ka deklaruar i vendosur se nuk do të dalë nga banesa.
“Nuk jam dakord fare se kam shtëpinë time aty. Do të rri aty. Pallati ka tre vite që është plasaritur, para se të binte tërmeti i vitit 2019. Nuk është prekur nga tërmeti. Ra tërmeti tjetër para tre ditësh, nuk ka asnjë shenjë. Unë do të rri në shtëpinë time. Nuk kam frikë. Ra tërmeti dhe unë nuk dola fare. Unë nuk dal, kam shtëpinë time, mund të na hedhin në gjykatë. Nuk kam ku shkoj. Të rri jashtë?” tha ai.
