PUKË– Kryebashkiaku i Pukës Gjon Gjonaj ka reaguar këtë të enjte pas publikimit në media të një video ku ai shihej duke kërcënuar një qytetar ndërkohë që efekivi i policisë qëndronte në këmbë dhe e shihte. Gjonaj tregon për mediat se personi me të cilin shfaqet në video, është njeri i tiji, duke specifikuar se është trajneri i fëmijëve të qytetit. Po ashtu kryebashkiaku akuzoi Partinë Demokratike se po e përdor videon që të vijë në pushtet. Sipas tij policia nuk ndërhyri pasi nuk kishte një konflikt fizik.
Gjon Gjonaj: Video është e sajuar. Qytetari është njeriu im, e ka sajuar PD, po e përdor. PD kërkon të vijë në pushtet me një video të sajuar. Personi me të cilin po flas është trajner sporti, është njeri im. Po diskutonim të hapnim stadiumin. Nuk ka lidhje me fushatën, është e turpshme. Fakti që policia nuk ndërhyri do të thotë se nuk ka pasur konflikt.
Ky reagim vjen pasi këtë të enjte u publikua në media një video ku shfaqej kryetari i Bashkisë Pukë Gjon Gjonaj duke kërcënuar një qytetar në prani të efektivit të policisë, i cili afrohet por përballë pushtetit ndihej i pafuqishëm për të ndërhyrë.
“Mos të të shoh…se për krye të fëmijëve të bëj të çuditesh. Po ik ore…”
