TIRANË– Po vijon me debate dhe tensione seanca e kësaj të enjteje në Kuvend. Këtë herë në debat janë përfshirë deputetët Edmond Spaho dhe Damian Gjiuknuri. Pas fjalës së socialsitit ku u shpreh se opozitën e shqetëson çdo gjë pozitive dhe se këta të fundit ngaqë u janë errur sytë nuk duan që pensionistët të marrin shpërblimin e premtuar nga kjryeministri Edi Rama në muajin prill. Kaq ka mjaftuar që përgjigjen ta marrë nga deputeti i PD Edmond Spaho, i cili i kujtoi Gjiknurit se ish-agjenti i arrestiuar i FBI-së Charles McGonigal ndodhet para drejtësisë dhe se mund ti bashkohet dhe ish-ministri i Infrastrukturës. Spahoi i bëri një premtim duke i thënë se dhe po shkojë “kandidat” në Guantanamo do i japë dy puro.
Damian Gjiknuri: Ligji mundohet të adresojë disa probleme që të gjithë këtu në sallë e dimë. Si profesionet e lire, janë biznese të nevojshme, unë vetë vij nga profesion i lirë, por duhet ta pranojmë që kanë qenë jashtë rregullimit të ligjit. Gjithmonë me qëllimin jo për të dëmtuar një pjesë të popullatës, por për të krijuar rregullshmëri. Çështja që meriton vlerësim ka të bëjë me lehtësirat që po u krijohen duke ulur barrën tatimor, së pari duhet të përfitojnë nga fakti që paga minimale ka shkuar në 40 mijë lekë. Së dyti duhet të përfitojnë që për ata që paguhen deri në 50 mijë lekë është ulur barra tatimore. Ju tërboheni kur qeveria miraton shpërblimin për pensionistët, njëri thotë e bën për vota, tjetri thotë le ta bëjë, e ka të humbur. Plaku nuk flet ka nxjerrë këta kasnecët e tjerë këtu. E kuptoni tani? Ju nuk jeni dakort që pensionistët të marrin shpërblim. Pastaj i keni parë këto artikujt për nomadët dixhitalë? Por sigurisht që juve nuk ju vjen mirë për artikujt pozitivë, juve ju tërbon çdo gjë pozitive, ju errëson shikimin.
Edmond Spaho: Sot u sekuestruan pasuritë e McGongial, kujdes se mos del diçka dhe te ti, të shoh ty kandidat për në Guantanamo, e kur të shkosh atje të jap fjalën se do të jap 2 pako me puro, se ti nuk pi cigare, e të rrish me Ramën
Damian Gjiknuri: Ke fantazi shumë të dobët, unë të thash përgatit cunin për pushtet…. unë të vlerësoj se je qënie e butë e nuk nxeh njeri.
