FIER– Gjykata e Fierit ka lënë në burg Albi Mecinin, 29-vjeçarin e arrestuar një ditë më parë në tentativë për të kryer një atentat ndaj një personi me rrezikshmëri të lartë në Fier, por emri dhe detajet ende nuk janë bërë të ditura. Ai u shfaq para Gjykatës këtë të enjte me masa të rrepta sigurie ndërsa ishte i veshur me tuta të shkurtra dhe një bluzë të bardhë.
Po ashtu Policia ka dyshime të forta se Mecini është autor i rrëmnbimit të dy miqve Fatmir Sulollari dhe Leonard Thodhorit në Sarandë. Në momentin e arrestimit atij iu gjetën 2 çanta me 21 kg lëndë plasëse e krijuar në mënyrë artizanale, e shoqëruar me celular. Po ashtu sipas autoriteteve Mecini ka qenë krahu i djathtë i Admir Tafilit, i cili u arratis nga burgu i sigurisë së lartë të Drenovës në vitin 2013.
