LEZHË-Antonio Leka, 36-vjeçari që u kap mbrëmjen e djeshme me arsenal armësh në Lezhë rezulton të jetë pronar i disa dyqaneve në Lezhë, të cilat i ka përfituar nga shitja e një trualli për ndërtimin e një pallati në qytetin verior. Ndërkohë para policisë ai nuk ka pranuar të flasë duke mos dhënë detaje. Ai është shprehur vetëm se është patriot dhe armët i kishte me vete për të vrarë politikanë në Lezhë. 36-vjeçari Antonio Leka mësohet se jeton vetëm me të ëmën. Ndërkohë fqinjët e kanë përshkruar si një njeri të qetë por shtojnë se ai ishte një tip i mbyllur dhe shpesh shihej i vetmuar.
Pritet që ai të kalojë në “sitë” sa i përket probleme psikologjike që mund të ketë. Leka nga Miloti u arrestua mbëmjen e djeshme në Lezhë teksa me vete mbante një arsenal të tërë armësh dhe municionesh luftarake. Ndërkohë vetë ishte veshur me antiplumb dhe veshje ushtarake ndërsa në kokë mbante një plis të bardhë. Denoncimin në polici e ka bërë vëllai i tij Nik Leka. Ai u vu në pranga nga Forcat Shqiponja. Deri më tani ai ka deklaruar vetëm se ishte nisur për në qytetin verior të Lezhës për të vrarë politikanë në këtë qytet.
