TIRANË– Kreu i Prokurorisë së Posaçme Kundër Korrupsionit dhe Krimit të Organizuar Altin Dumani ka folur për herë të parë për masakrën e ndodhur disa javë më parë në zonën e Don Bosko ku mbeti e vrarë banakierja Mimoza Paja dhe lidhjet që kjo ngjarje mund të ketë me të shumëkërkuarin e drejtësisë Ervis Martrinaj. Ai tha se sa i përket Martinajt, ish-agjenti i RENEAS tashmë në duart e policisë nuk pranon të flasë. Ndërsa për ngjarjen e Don Boskos dhe lidhjet me Ervis Martinajn duke qenë se pronari i lokalit që u sulmua me armë është në pronësi të një kundërshtari të Martinajt, Fatjon Muratit kreu i SPAK tha se nuk mund të thotë nese kjo e ngjarje e “ngjalli” apo jo Martinajn.
Altin Dumani: Ça bashkëpunimi të kërkojmë me prokurorinë e Kurbinit, ne e kemi në hetim, në kuadër të hetimit, ne kemi informacionet tona. Jeton Lami ka preferuar të heshë dhe të mos japë deklarime. E para ngjarjen e “Don Boskos”, nuk e ka në hetim Prokuroria e Posaçme. Unë jam prokuror dhe nuk mund të them se me episodin e “Don Boskos”, “u ngjall” apo “nuk u ngjall Ervis Martinaj”. Nga ana jonë janë ndërmarrë veprime hetimore, kemi sekuestruar pasuritë dhe kemi pistat tona edhe sa i përket hetimit të kësaj çështje. Janë dërguar aktet në gjykatë dhe dosja hetimore nga ana jonë.
