TIRANË– Kryeministri Edi Rama ka ndarë këtë të shtunë detaje nga takimi me kryeministren e Italisë Georgia Meloni, e cila zgjodhi të kalojë disa ditë pushime në jug të Shqipërisë e akomoduar në vilën qeveritare në Dhërmi. Për Rai Uno Rama ka treguar dhe momentin kur ai i ka treguar incidentin në Berat ku disa turistë italianë kishin ikur pa paguar faturën. Ndër të tjera Rama tha se Meloni është një mikeshë e shqiptarëve dhe se ajo mbështet hyrjen në Europë
Pjesë mha intervista:
Edi Rama: Vizita shkoi shumë mirë, ishte shumë e lumtur së bashku me familjen e saj. Erdhi me traget dhe pushoi në paqe për tre ditë. Më pas ne shkëmbyem disa ide sepse ka shumë për të bërë mes Italisë dhe Shqipërisë”, u shpreh Rama ndër të tjera gjatë intervistës së shkurtër.
Gazetari: Ju të dy keni rrugëtime politike mjaft të kundërta, ju jeni socialist, ndërsa Meloni vjen nga e djathta, Po çfarë keni të përbashkët?
Edi Rama: Mënyrën se si themi atë që mendojmë, përpos kësaj kemi fatin që këto ndarjet e majtë e djathtë janë thjeshte pjesë e historisë tashmë. Në momentin që duhet të merren vendime, duhet të jemi konkret.
Gazetari: Në Shqipëri ka një boom turistësh, po na bëni konkurrencë?
Edi Rama: Të thuash kështu është vërtet e tepërt, sepse konkurrencë Italisë nuk i bën dot askush.
Gazetari: Po cili mund të jetë roli i vendit tonë në afrimin e Shqipërisë në Europë?
Edi Rama: Pavarësisht se kë ka patur Kryeministër, Italia ka qenë gjithnjë avokati ynë dhe Giorgia në fakt flet madje për një riunfikim të Bashkimit Europian, jo thjesht për integrim europian.
Gazetari: Së fundi në një episod të veçantë në rrjetet sociale u bë virale një video ku një grup italianësh janë larguar nga restoranti pa paguar. Është e vërtetë që kur kryeministrja e ka mësuar këtë i ka kërkuar ambasadorit të paguajë faturën?
Edi Rama: Unë ia tregova këtë gjë për të qeshur pak dhe të gjithë rreth saj u shkulen se qeshuri, por ajo u ngrys ne fytyre. U kthye nga Ambasadori: Ju ambasador duhet të paguani atë faturë dhe të bëni një komunikim dhe të kërkoni falje sepse këta janë të turpshëm, dhe unë, ata që janë turpi i Italisë nuk i pranoj i tha me atë dialektin e vet fantastik roman.
