TIRANË– Kryetari i zgjedhur i Partisë Demokratike zyrtare Lulzim Basha ka mbajtur fjalimin e parë pas rizgjedhjes në krye të PD-së., Nga selia e re e PD-së Basha falenderoi demokratë që morën pjesë në votim. Ndërkohë ai deklaroi se tashmë do të nisë puna përe ringritjen e PD–së që sipas tij për muaj me radhë ka kaluar në lumenj të trazuar.
Lulzim Basha: Një falenderim për të gjithë ju, për qëndresën në këto kohë të vështira dhe sfiduese, për pjesmarrjen tuaj në temperaturat e nxehta. Një falenderim për përfaqësuesit në komisionet e votimit dhe një falenderim i veçantë për Gjegji Hanin që me fuqinë e argumentit të tij dhe me pastërtinë e shpirtit të tij dhe me përkushtimin ndaj PD-së e ktheu këtë proces në një debat të vërtetë idesh dhe vlerash siç u takon demokratëve. Jam i vetëdijshëm për kohën, për sfidat dhe vështirësisë e PD dhe vështirësinë e opozitës. Jam i vetëdishëm se lumejt e dhimbshëm rrjedhin akoma ca nga një vërtetë e dhumbshme dhe ca të sponzorizuar nga ata që duan me çdo kusht të ruajnë statuskonë, pa mundësi ekonomike, me media nën censure dhe presion, me drejtësi në presion pa pabarazi para ligjit, e di që e sotmja nuk shënon votën për një individ, as një proces të thjeshtë brenda një partie, por shënon nisjen e punës dhe puna fillon menjëherë për të ndërtuar mes dy brigjeve të lumenjve të mosbesimit urën, mes dëshpërimit të shqiptarëve të majtë dhe të djathtë. Mes depresionit psikologjik, ekonomik dhe social ku e ka kredhur stanacioni i njëanshëm, dhe dëshirës për ndryshim që shpaloset anëkënd. Te një projekt politik që do të sjellë ndryshimin e qeverisjes për çdo shqiptar, nuk ka për të qenë e lehtë por nëse ka diçka që demokratët provuan sot është që të nisim një betejë të padikshme dhe të vështirë.
