LAÇ– Një e moshuar ka humbur jetën këtë të martën në Kishën e Laçit. Mësohet se 71-vjeçarja ka qenë duke ndezur qirinjtë kur për një moment është rrëzuar duke marrë dëmtime të shumta. Ajo u dërgua menjëherë në spital dhe më pas u nis drejt Traumës por që fatkeqësisht ka humbur jetën rrugës për atje.
Policia ka mbërritur në vendin e ngjarjes dhe bashke me grupin hetimor po punojnë për zbardhjen e plotë të rrethanave të aksidentit.
Kjo e martë shënon dhe nisjen e pelegrinazhit në kishën e “Shna Ndout” në Laç ku për “13 të martat” mijëra besimtarë nga vendi e bota luten e ndezin qirinj për më shumë shëndet, paqe e begati.
