DURRËS– Një 67-vjeçar i identifikuar me inicialet Sh.D ka pësuar djegie në trup pasi duke tentuar ti vendosë flakën shkurreve që po pastronte, zjarri u përhap duke djegur dhe atë vetë në duar dhe kraharor. Ngjarja ka ndodhur në mesditë në “Lagjen nr.15”. Për pasojë të përhapjes së flakëve janë rrezikuar dhe disa banesa.
67-vjeçari është dërguar në spital dhe ndodhet në kujdesin e mjekëve. Mësohet se zjarrfikësit kanë mbërritur në vendin e ngjarjes, të cilët po punojnë për shuarjen e flakëve. Po ashtu është shoqëruar në Komisariatin e Durrësit, pronari i banesës, 60-vjeçari I identifikuar me inicialet A.K i cili kishte punësuar 67-vjeçarin, për të pastruar.
