ITALI– Ishte 2 gushti i vitit 2022, kur 27-vjeçarja me origjinë shqiptare Donatalla Hodo vendosi ti jepte fund jetës në burgun Veroneze i Montorios ku po vuante dënimin për vjedhje. Pak ditë para se të vriste veten në momente depresioni dhe dëshpërimi të jashtëzakonshëm ajo i kishte shkruar një letër ikones italiane të televizionit Maria De Filippi, një letër që nuk mbërriti kurrë në dorën e saj. Në letër ajo kishte shkruar për vetën dhe gjendjen ku ajo ishte. Sipas mediave italiane letra mund të ishte dërguar gabim, ajo u kthye mbrapsht dhe ra në duart e të atit, Novruz Hodo.
LETRA:
“Përshëndetje Maria, po ju shkruaj këtë letër për t’ju treguar historinë time dhe për t’ju kërkuar ndihmë. Unë quhem Donatella Hodo, sapo kam mbushur 26 vjeç, kam origjinë shqiptare por jam rritur në Itali. Tani për fat të keq e gjej veten në burgun e Montorios, përfundova këtu sepse kam pasur një fëmijëri dhe adoleshencë të vështirë me kaq shumë probleme, nuk pata forcë të reagoja dhe u mora me drogë… Maria…jam 26 vjeç, kam ende një jetë përpara, dua të qetësohem, të kem një të ardhme, të kthehem në kontakt me familjen time të mrekullueshme… Sot kam dëshirën, guximin. Dua të ndryshoj, dua ta filloj nga e para dhe të lë çdo gjë pas, kam nevojë për ndihmë, për të gjetur një punë…,”, shkruhet ndër të tjera në letër.
Donatella vendosi ti japë fund jetës në natën midis 1 dhe 2 gushtit 2022, duke u vetëvarë. Ajo kishte mbështjellë kokën me qese dhe kishte thithur tymin e sobës në qeli. Hodo ishte e varur nga lëndët narkotike dhe për t’i blerë ato, vidhte e grabiste. Së fundmi, ajo po i nënshtrohej një terapie, por krejt papritur një mengjes u gjet e vdekur në qeli. Gjykatësi Vincenzo Semeraro shkroi një letër pas ngjarjes së rëndë në të cilën shkruante se ndihej fajto dhe se sistemi kishte dështuar për faktin që nuk kishte mundur të bënte asgjë për të ardhmen e Donatellës.
