LEZHË– Ardian Nikulaj (Marku) u ekzekutua këtë të mërkurë në ambientet e resort “Coral” në Shëngjin që është dhë në pronësi të tij. Nikulaj u ekzekutua me armë zjarri teksa ishte i vetëm në tavolinë duke konsumuar kafenë. Ai ka gjetur vdekjen në vendin e ngjarjes për shkak të plumbvae të lëshuar ndaj tij. Po kush është Ardina Nikulaj (Marku)?! Ai rezulton të jetë një emër mjaft i njohur në qarkun e Lezhës, si biznesmen dhe si pjesë e politikës.
Kështu ai rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra pak minuta më parë. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale.
Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit.
Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
