TIRANË– Ende pa kaluar 24 orë nga vendimi i mëpërshëm Bordi i Transparencës është mbledhur sërish këtë të shtunë dhe ka vendosur çmimet e reja të karburanteve. Kështu sipas njoftimit zyrtar të bërë publik nafta do të shitet me 190 lekë për litër, nga 192 lekë që ishte. Benzina është ulur me 2 lekë, ku nga sot do të shitet me 185 lekë për litër nga 187 që ishte më parë. Ndërsa çmimi i gazit ka pësuar rritje me 4 lekë, ku do të shitet me 75 lekë për litër.
NJOFTIMI:
Bordi i Transparencës ka ndryshuar përsëri çmimin e karburanteve ditën e sotme. Sipas këtij vendimi, nafta do të shitet çmimin 190 lekë/litri, ndërsa i shitjes me shumicë jo më shumë se 178 lekë/litër. Çmimi i shitjes së benzinës do të jetë 185 lekë/litri, ndërsa i shitjes me shumicë jo më shumë se 173 lekë/litër. Gazi do të shitet me çmimin 75 lekë/litri me pakicë dhe i shitjes me shumicë 63 lekë/litër për automjetet Çmimi i gazoilit për peshkim është vendosur 96 lekë/litër. Çmimet e caktuara nga Bordi do të hynë në fuqi në datë 4 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
