TIRANË– Dy vite nga ndarja nga jeta e babait të saj moderatorja e njohur Valbona Mhilli na ka prekur të gjithëve me postimin e ndjerë dedikuar “Komisarit të saj”, ashtu siç ajo e thërriste. Në një postim në rrjetet sociale Mhilli ka ndarë një video ku ka përmbledhur të gjithë momentet e bukura të kaluara me njëri-tjetrin ku nuk kanë munguar as fjalët e ndjera të bijës për babanë.
“Shpirti po me digjet nga malli per ty Babi Tonin Mhilli. 2 vite pa ty. Ti je gjalle Komisari im ne cdo frymarrje timen. Ti je Engjëlli im e un jam Krenare qe jam bija jote! Un jetoj per ty Je forca ime”, shkruan moderatorja krah videos emocionuese.
Moderatorja dhe autorja e njohur pothuajse çdo ditë ndan me ndjekësit e saj dhimbjen e një plage që nuk mbyllet lehtë për të mos thënë kurrë. Ajo ka pasur një lidhje të ngushtë me të atin e kjo duket dhe në fotogalerinë e panumërt që ajo ka publikuar në rrjetet sociale.
Tonin Mhilli me detyrë Komisar humbi tragjikisht jetën dy vite më parë në një aksident tragjik të ndodhur në Rrogozhinë. Përplasja me një makinë tjetër ishte fatale për Komisar Tonin, i cili atë mëngjes të 6 marsit të vitit 2021 po shkonte në punë pa e ditur që ai udhëtim do ishte i fundit për të. 1 kilometër larg punës që i dedikoi gjithë jetën Mhilli do pësonte aksidentin fatal që do priste në mes ëndrrat e tij dhe do linte një plagë të hapur për familjen dhe njerëzit e tij të dashur. Mhill ishte një oficer karriere me eksperiencë të gjatë në radhët e uniformave blu. Me qetësinë dhe përgjegjshmërinë që e karakterizonte ai i ngjiti shkallët e karrierës duke marrë gradën më të lartë, atë Komisarit që e mbajti me dinjtet deri atë mëngjes të herët ku aksidenti i mori jetën. Mhilli shërbeu me dinjtet për 15 vite në Drejtorinë e Burgjeve.
