VLORË– Valë arrestimesh në Vlorë këtë të premte. Policia e Vlorës bën me dije se katër persona janë vënë në pranga dhe dy të tjerë janë nën hetim për vepra të ndryshme penale.
Në një njoftim për mediat blutë e qytetit bregetar bëjnë me dije se një 43-vjeçar i identifikuar me inicialet A.B është arrestuar pasi ishte shpallur në kërkim pasi Gjykata e kishte dënuar me 6 muaj burg për “plagosje me dashje”. Ndërsa një 21-vjeçar është vënë në pranga pasi dyshohet se ka kanosur për motive të dobëta një person. Po ashtu është arrestuar një 29-vjeçar pasi u kap në flagrancë duke drejtuar mjetin në gjendje të degur.
NJOFTIMI I POLICISË:
DVP Vlorë/Vihen në pranga 4 shtetas dhe procedohen në gjëndje të lirë 2 të tjerë, për vepra të ndryshme penale.
Nga Specialistët për Hetimin e Krimeve në Komisariatin e Policisë Sarandë u arrestuan në flagrancë shtetasit A. T., 47 vjeç, banues në Laç dhe I. K., 39 vjeç, banues në Lezhë, pasi u kapën nga shërbimet e Policisë, duke transportuar me një automjet tip “Iveco”, 7 krerë bagëti të trasha, të pamatrikulluara, të dyshuara të kontrabanduara.
Nga Specialistët për Hetimin e Krimeve në Komisariatin e Policisë Sarandë u kap dhe u ndalua shtetasi në kërkim A. B., 43 vjeç, banues në Delvinë, pasi Gjykata e Shkallës së Parë Sarandë, me vendimin e datës 09.02.2021, e ka dënuar me 6 muaj burgim, për veprën penale “Plagosja e lehtë me dashje”.
Nga Specialistët për Hetimin e Krimeve në Komisariatin e Policisë Vlorë u referuan materialet në Prokurori dhe nisi procedimi në gjëndje të lirë për shtetasin A. M., 21 vjeç, banues në Selenicë, pasi dyshohet se ka kanosur, për motive të dobëta, një shtetas tjetër. Gjithashtu, në vijim të veprimeve për këtë rast, gjatë kontrollit të ushtruar në banesën e shtetasit A. M., shërbimet e Policisë gjetën dhe sekuestruan një sasi fishekësh.
Nga Specialistët për Hetimin e Krimeve në Komisariatin e Policisë Himarë u referuan materialet në Prokurori dhe nisi procedimi në gjëndje të lirë për shtetasin A. Sh., 44 vjeç, banues në lagjen “Partizani”, për veprën penale “Shkelja e rregullave të mbrojtjes në punë”, pasi gjatë punës në kantrierin e firmë së ndërtimit që administronte 44-vjeçari, u dëmtua shtetasi E. S., 45 vjeç, i cili ndodhet në spital, jashtë rrezikut për jetën.
Nga Specialistët e Qarkullimit Rrugor u bë arrestimi në flagrancë i shtetasit E. D., 29 vjeç, banues në Vlorë, pasi mbrëmjen e djeshme, duke drejtuar automjetin është përplasur me murin e një banese, në rrugën “Sokrat Leka”. Për pasojë është dëmtuar pasagjeri në këtë automjet, shtetasi M. S., i cili po merr aktualisht asistencë mjekësorë.
Materialet procedurale i kaluan Prokurorisë, për veprime të mëtejshme.
