Partia Demokratike me anë të zëdhënëses së antikorrupsionit, Genta Vangjeli ka denoncuar procedurat e rikonstruksionit të spitalit të Dibrës.
Sipas Vangjelit, këto procedura janë anuluar disa herë dhe rishpallur.
Në një prej procedurave u shpall fitues një bashkim operatorësh që kishte një diferencë në çmim prej 268 mijë eurosh (me tvsh) me ofertën më të ulët.
‘Edhe pse KPP ka udhëruar për herë të dytë anulimin e procedurës me shkelje të shkruara e zeza mbi të bardhë, të përsëritura, vetëm për faj të zyrtarëve shtetërorë, nuk ka asnjë reagim zyrtar për penalizmin e përgjegjësve.’, tha Vangjeli.
