TIRANË– Deputeti i Partisë Demokratike Saimir Korreshi ka reaguar pas lajmit të vdekjes së 48-vjeçares Shpresa Cani në zyrën e kryebashkiakes së Lushnjes Emirjeta Sefa. Në një postim na Facebook Korreshi shkruan se i shpreh ngushëllimet familjes dhe shton se kjo është kartolina më e shëmtuar për festat e fundvitit.
“A mund te këtë me vit te ri pas kësaj ?? A ka kartoline me te shëmtuar se kjo?? Trishtim! Sado ta zbukuroni qytetin ky është realiteti. Shikoni neper dyqane artikulli qe është shitur me shume janë kofshat e pulës ato qe kushtojnë 300 leke kilogrami. Nuk kane mundësi te blejnë gjel deti e ta festojnë tradicionalisht. Kjo është panorama e qeverisjes. Mjerim! Familje pafund ne nevoje qe jane drejtuar dëshpërim ishte ne dyert e bamirësve privat qe edhe ketë jeni munduar me fotot tuaja ta shtetezoni. Dyer shtetërore te mbyllura! Arroganc! Ngushëllime familjes se te ndjerës”, shkruan ai.
Shpresa Cani ndërroi jetë ditën e djeshme në zyrën e kryebashkiakes së Lushnjes Emirjeta Sefa. Ajo kishte shkuar pranë bashkisë për të kërkuar që ti rilidhnin ndihmën ekonomike pasi jetonte vetëm me babain pasi ishte beqare dhe nuk ia dilnin dot. Pas vajtjes në zyrën e informacionit ajo është drejtuar në Drejtorinë e Ndihmës Ekonomike në bashki ku mësohet se ka pasur një debat të fortë me punonjesen. Pas debatit ajo ka kërkuar një takim me kryetaren Emirjeta Sefa dhe në këtë moment është ndjerë keq dhe ka humbur ndjenjat. Dyshohet se Cani ka kaluar atak kardiak. Në deklaratën e saj bashkia e Lushnjes shprehet se Sefa dhe 48-vjeçarja kishin rënë dakort që në janar të trajtohej me fundin e bashkisë me ndihmë ekonomike.
