TIRANË– Kryetari i Partisë Demokratike Sali Berisha ka reaguar pas vdekjes së 48-vjeçares Shpresa Cani në ambinetet e bashkisë së Lushnjes konkretisht në zyrën e kryebashkiakes Emirjeta Sefo. Në një postim në Facebook kreu i selisë blu shkruan Cani vdiq pasi bashkia i kishte hequr ndihmën ekonomike. Berisha shkon më tej dhe akuzon kryebashkiaken së bashku me drejtoreshën e ndihmës ekonomike Anila Çela, e cila është bashkëshortja e deputetit të PS-së Bujar Çela, të cilat shkruan Berisha kanë debatuar me gruan. Sipas liderit demokrat gruaja është tentuar që të nxirret me forcë nga zyra me anë të policisë dhe në këtë moment ajo është ndjerë keq dhe ka rënë në tokë.
POSTIMI I SALI BERISHËS:
Pashpirtesi!! Shpresa Cani, 48 vjeç vdes në zyrën e kryebashkiakes së Lushnjes,Bashkia i hoqi ndihmen ekonomike! Pashpirtësi dhe vetëm pashpirtësi! Te dashur miq, qytetari dixhital informon se gjendja shëndetësore e Shpresa Canit u rëndua pas debatit me punonjëset e Bashkisë Lushnje. Fillimisht 48 vjeçarja, Shpresa Cani ka debatuar me drejtorëshen e drejtorisë së ndihmës ekonomike, Anila Çela, bashkëshorte e deputetit Bujar Çela i PS-së, ku I është refuzuar përgjigje dhe zgjidhje për problemin e saj. Pas debatit, 48 vjeçarja ka kërkuar takim me kryebashkiaken Eriselda Sefa, duke arritur të shkojë deri në paradhomën e kryebashkiakes. Aty është tentuart të nxirret me forca nga Policia Bashkiake, ku dhe është ndjerë keq dhe ka ndërruar jetë. 48 vjeçarja, Shpresa Cani kishte shkuar në Bashkinë e Lushnjes për tu ankuar për heqjen e ndihmës. Cani ishte në kushte të vështira ekonomike por edhe shëndetësore. Duke shrehur ngushellimet me te ndjera familjes për humbjen e njeriut të dashur dënoj këtë akt çnjerëzor si vrasje shtetërore me terror psikologjik dhe ekonomik vdekjen e Shpresës në zyrat e shtetit nga zemërimi i shkaktuar nga pashpirtësia e zyrtarëve të sektit çnjerëzor të Rilindjes së Edi Ramës. #sb
