TIRANË– Gëzim Ademaj pritet të jetë deputeti më i ri i Partisë Demokratike në Kuvend pas dorëheqjes së deputetit të Vlorës Fatjon Veizaj. Ademaj ka folur për herë të parë ku u shpreh se do ta pranojë mandatin e deputetit. Në një lidhje telefonike me Report TV ai tha se do të jetë pjesë e grupit parlamentar të PD-së por pa e specifikuar se cilit prej tyre duke qenë se tashme është fakt se Partia Demokratike operon në dy pjesë të ndara. Ndër të tjera ai tha se do të mbrojë çështjen çame në Kuvend pasi dhe vjen nga listat e PDIU-së.
Gëzim Ademaj: Për mua ata të dyja në e njëjta gjë. S’jam i pavarur, unë do jem deputet i PD-së. Nuk do je i pavarur, do jem pjesë e grupit parlamentar të PD-së. Nuk kam lidhje as të hershme as të vonshme politike, vij nga shoqëria civile, shpresoj për një bashkim të PD. Grupi është 1. Pa asnjë diskutim në krah të opozitës, do jem përkrahës i çështjes çame.
Pyetje: Surprizë ikja e këtij deputetit tjetër?
Gëzim Ademaj: S’ka surpriza. PD ka një grup parlamentar, do jem aty pavarësisht rrymave që përfaqësojnë. Shpresoj dhe uroj të ketë bashkim të PD dhe të gjitha forcave opozitare.
