TIRANË– Drejtuesi politik i Tiranës njëherazi kryebashkiaku aktual Erion Veliaj ka bërë të ditur emrat e kandidatëve për kandidat në zgjedhjet e 14 majit.
Erion Veliaj: Në Bashkinë e Rrogozhinës Edison Memolla do të vijojë të ketë mbështetjen tonë. Me Redjan Kralin do të vazhdojmë në Kavajë. Kavaja ka pësuar ndryshime të mëdha. Krali do ta çojë përpara këtë punë. në Vorë provuam një eksperiment, provuam Blerim Sherën, rezultoi me sukses. Ndaj duam që Vora të mos jetë tranzit, por destinacion. Do të vazhdojmë me Blerim Sherën, na provoi që në pak kohë na ka dhënë drejtim. Me Rakip Sulin do të vazhdojmë në Kamëz. Kamza s’ka qenë kurrë më mirë, kurrë kaq pastër. Ndërkohë që në Tiranë, për tramin falas të Saliut e Lulit do të përveshim mëngët e do të punojmë fort.
