SARANDË– Zbardhen detaje nga veliera e braktisur në ujërat ndërkombëtare. Përmes një njoftimi për mediat Policia e Sarandës bën me dije se veliera është gjetur e braktisur nga anija e peshkimit “Rozafa” 51 milje larg ishullit të Siçilisë. Pasi kanë konstatuar velieren e braktisur kapiteni i anijes ka lajmëruar autoritetet italiane, të cilat e kanë kontrolluar dhe kanë konstatuar se brenda velieres nuk ka sende të kundraligjshme. Në bazë të të drejtës ndërkombëtare veliera i është dorëzuar autoriteteve shqiptare. Për momeëntin njofton Polica ajo ndodhet e sekuetsruar në portin e Sarandës. Po kryehen hetime në lidhje me ngjarjen.
NJOFTIMI I POLICISË:
Sot, rreth orës 09:00, kanë mbërritur në portin e Limjonit, Sarandë, anija e peshkimit “Rozafa 23” dhe një mjet lundrues tip veliere. Mjeti lundrues tip veliere, me mbishkrimim “Bavaria 50”, është gjetur më datë 10.06.2023, rreth 51 milje larg ishullit të Siçilisë, Itali, nga anija e peshkimit Rozafa, ekuipazhi i së cilës ishte duke peshkuar në atë hapësirë detare. Nga kapiteni i anijes së peshkimit në momentin e konstatimit nga ana e tyre, është njoftuar Kapiteneria e Siçilisë dhe Delta Force e Policisë Italiane, të cilët kanë kryer kontrollin fizik, gjatë të cilit nuk kanë konstatuar sende të kundraligjshme si dhe kanë kryer verifikimet e tjera përkatëse dhe në bazë të së drejtës ndërkombëtare të detit, ja kanë dhënë velieren kapitenit të anijes Rozafa. Aktualisht mjeti lundrues tip veliere është sekuestruar dhe qëndron e bllokuar në port, pasi do të verifikohet nga Kapiteneria Sarandë, në bashkëpunim me Komisariatin e Policisë Sarandë dhe Policinë Kufitare Sarandë.
