TIRANË– Janë zbardhur përgjimet e grupit të shpërndarësve që ‘mbushën’ rrugët e Tiranës, klubet e natës dhe shkollat me drogë. Dy grupet kriminale i bënin bisedat mes tyre me kode që mos të binin pre e përgjimeve të policisë dhe të mos identifikoheshin. Lënda narkotike shpërndahej në shkolla dhe klubet e natës në kryeqytet. Qindra orë përgjime nga ana e policisë nxorrën në pah grupin kriminal. Kokaina ishte koduar si “pluhur zane” dhe se burimin e kishte në Fiushë Krujë. Pasi merrej ajo sillej nga shpërndarësit në Tiranë dhe më pas qarkullonte nëpër pikat ku ata kishin zonën e tyre. Numrin më të lartë të shpërndarësve e kishin zonat e Bllokut, Kombinatit dhe Yzberishtit.
Mesa duket edhe në këtë aktivitet loja e famshme e “Big Brother” ka pasur ndikimin e saj pasi shpërndarësit nëse bëhej fjalë për sasi të madhe kokaine shpreheshin “Vëllai i Madh” ndërsa kur bëhej fjalën për sasi të vogël kodi ishte “Vëllai i vogël”. Për një qese kanabis, anëtarët e dy grupeve përdornin kodin ‘sëqe’ (pra qese në slang), duke specifikuar përkatësisht edhe sesa qese shisnin. Pjesa më e madhe e kanabisit shitej pranë shkollës “Petro Nini Luarasi”. Për këtë gjimnaz, shpërndarësi ishte Dorjano Çela. Pjesë e shpërndarjes në këtë aktivitet ishin edhe tre vajza, ku një prej tyre ndodhet në kërkim dhe rezulton sipas sistemit TIMS dhe është larguar në Itali më datë 14 mars.
Të arrestarsit: Fabian Qoku, 39 vjeç, Redi Lolaj, 22 vjeç, Eduard Hysa, 25 vjeç, Dorjano Çela, 31 vjeç, Enver Mehmeti, 60 vjeç, Fatbardh Bardhi, 37 vjeç, Martin Kuka, 35 vjeç, Marsel Gjona, 31 vjeç, Mariglen Hoxha, 39 vjeç, Muharrem Tarushi, 31 vjeç, Polikron Shabani, 40 vjeç, Erion Xhaxho, 47 vjeç, Altin Llani, 45 vjeç, Jurgen Hasamataj 32 vjeç, D.I 23 vjeç, A.XH, 51 vjeç, M. V., 44 vjeç, F. P., 25 vjeç, E. K., 35 vjeç, dhe J. H., 32 vjeç; janë përballur sot me togat e zeza në Gjykatën e Tiranës. Ndaj tyre është vendosur masa e sigurisë “arrest me burg”, deri në përfundim të gjykimit.
