TIRANË– Kryekomisioneri i Zgjedhjeve Ilirjan Celibashi gjatë mbledhjes së zhvilluar këtë të hënë ka komentuar dhe vendimin e marrë nga Partia Socialiste për shpenzimin e një pjese të buxhetit të zgjedhjeve për mbjelljen e pemëve. Sipas Celibashit e rëndësishme është që partitë të marrin financimet, ndërsa për shpenzimin e tyre ka ligje që duhet të zbatohen.
Ilirjan Celibashi: Nuk mund të them gjë në këtë moment, por me rendësi është partitë të marrin financimet që kërkojnë për fushatën, mënyra e shpenzimit është çështje e ligjit dhe ka parashikime që duhet të zbatohen. Kur të jetë rasti për ta vlerësuar rastin për shpenzimin e këtyre parave, do të kemi një njoftim.
