TIRANË– Kryekomisioneri i Zgjedhjeve Ilirjan Celibashi ka bërë këtë të mërkurë prezantimin e Platformës Elektronike për Raportimin Financiar. Gjatë fjalës së tij kreu i KQZ-së tha se kjo platformë nuk do mund të zgjidhë të gjitha problemet e brendshme por do mund të ndihmojë për të kryer një mbikqyrje.
Ilirjan Celibashi: Projekti i digjitalizimit mbetet nje nga projektet më të rëndësishme të Komisionit Qendror të Zgjedhjeve. Në thelb synohet mbështetja e KQZ për raportimin dhe monitorimin e financimit të partive. Platforma nuk është mekanizmi që zgjidh problemin me financimin e partive, por ndihmon administrimin dhe mbikëqyrje efikase. Platforma në tërësinë e vetë ka qëllim të përmirësojë aksesin në informacione, të përmirësojë shërbimin dhe cilësinë e të dhënave, të reduktojë kohën e punës si për raportuesit ashtu edhe për verifikuesit. Të mbështesë përpunimin e të dhënave lehtësisht, të cilët mund të kenë akses në sistem. Të rrisë sigurinë e informacionit, do të mbrohen nga një akses i autorizuar me masa të caktuara sigurie.
