SHKODËR– Benet Beci është zyrtarisht tashmë kandidati i Partisë Socialiste për bashkinë e Shkodrës përballë demokratit Bardh Spahia. Lajmi i zyrtarizimit të tij u bë nga Sekretari i Përgjithshëm i PS-së Damian Gjiknuri. Në një prononcim për TopNews, Gjiknuri tha se Beci është një kandidat serioz dhe se do të sjellë fitoren e PS-së në kryeqendrën e Veriut të vendit.
Damian Gjiknuri: Për Shkodrën është një moment shumë i mirë, kemi një kandidat shumë serioz. Benet Beci është deklaruar si kandidat për Shkodrën. Në Elbasan nuk e diskutojmë fitoren e Gledian Llatjas. Nga ana tjetër kemi një grupim partish me persona të ndryshëm që nuk ofrojnë asgjë të re. Nuk besoj se ka dyshime për fitoren tonë. Edhe për Tiranën nuk besoj se duhet të kemi dyshime. Tashmë Opozita është në garë vetëm për të bërë detyrën. Nuk kemi asgjë zyrtare përsa i përket kandidatit të Durrësit
